कोहलपुर, फागुन १०–

कोहलपुरमा जारी बाँके पर्यटन महोत्सवको पाँचौ दिन सोमबार हट गायिका ज्योती मगरले तताएकी छिन्, भने गायक बद्री पंगेनीले दर्शकलाई रुवाएका छन । हट गायिका ज्योतीले खुलेरै प्रस्तुती देखाईन् । निकै कामुक मुद्रामा प्रस्तुत भएकी ज्योतीले समय अनुसार परिवर्तन हुनुपर्ने भएकाले आफुले त्यस्तै प्रकारका गीत गाउने बताउँदै आफ्ना चर्चित गितबाट दर्शकलाई मनोरञ्जन प्रदान गरेकी थिईन् । निकै छोटो स्कर्टमा स्टेज उक्लिएकी उनले दर्शकदिर्घामै पुगेर गित सँगसँगै अंग प्रदर्शन गरेकी थिईन् । यस्तै अर्का गायक पंगेनीले जब गित गाउन सुरु गरे, दर्शकदिर्घामा रहेका महिलाका आँखा रसाउन थाले । उनले ‘यसपाली नि आउन पाउंदिन आमा’ भन्दै गित पस्केपछि अधिकाशं महिलाका आँखा रसाएका थिए । दर्शक दिर्घामै पुगेका गायक पंगेनीले बृद्ध आमाहरुसँगै बसेर केहीबेर गीत पस्केका थिए ।

महोत्सवमा सोमबार नै गायक भागिरथ चलाउने, हाँस्य कलाकारद्धय सुरेन्द्र के.सी (मुलाको साग) र शिवशंकर पौडेल (पानवाला) लगायतले पनि आफ्ना प्रस्तुती देखाए ।