बर्दियामा आर्थिक सामाजिक रुपान्तरणमा जोड
नयाँ शक्ति नेपाल, बर्दियाको प्रथम जिल्ला भेलाको उद्घाटन कार्यक्रममा बोल्दै उनीहरुले देशमा आमूल परिवर्तनका लागि सबै राजनीतिक दलहरु एकढिक्का भएर अगाडि बढ्नु पर्ने बताए ।
नेपाली काँग्रेस बर्दियाका जिल्ला सदस्य कैलाश अधिकारीले देशमा आर्थिक समृद्धिका लागि नयाँ सोचको आवश्यकता रहेको बताए । उनले पार्टीहरुबीच फुट्दै जाने परम्पराले देशको विकास हुन नसकेको भन्दै एकताबद्ध भएर अडाडि बढ्नु पर्ने कुरामा जोड दिए ।
नेकपा ९माले० बर्दियाका तिर्थबहादुर चन्दले मुलुकमा आर्थिक क्रान्तिका लागि नयाँ सोच र चिन्तनको आवश्यकता रहेको बताए ।
नयाँ शक्ति नेपाल बर्दियाका संयोजक केशवराज पौडेलले देश बनाउने जिम्मेवारी कुनै एक पार्टी र नेतृत्वको जिम्मेवारी नभएर सबैको दायित्वको बिषय भएको बताए । उनले भने –‘यसका लागि सबैले सकारात्मक सोच राख्न सक्नु पर्दछ ।’
देशमा राजनीतिक संस्कार र राज्यसत्ता संचालन प्रक्रियालाई परिबर्तन गर्न तथा जनतालाई परिबर्तनको महशुस गराउनका लागि नयाँ शक्तिको खाँचो रहेको संयोजक पौडेलको भनाई थियो ।
0 comments
Write Down Your Responses