प्रेममा परेका युवतीहरूले झेल्नैपर्ने निकै कठिन चुनौती तथा समस्याहरु

तर एक ठूलो परिवर्तन तब आउँछ जब उनीहरुको जिन्दगीमा कुनै पुरुषले प्रवेश पाउँदछ । त्यसपछि उनीहरु आफ्नो जिवनलाई नै नयाँ तरिकाबाट हेर्न थाल्दछन् र सँगसँगै उनीहरुले विभिन्न खाले कठीन चुनौतिहरुको पनि सामना गर्नुपर्ने हुन्छ ।

खासगरी जब केटीहरु स्कुल तथा कलेजमा पढिरहेका हुन्छन् र कुनै केटासँग प्रेम सम्बन्धमा रहन्छन् त्यस अवस्थामा उनीहरुको अगाडि पटक पटक निकै कठीन चुनौति तथा समस्याहरु आइरहन्छन् । महिला मित्रहरु सायद तपाइँहरुले पनि यस्ता केही संघर्षको सामना गर्नुभएको होला नै ।

जब तपाइँ कुनै केटासँग डेटमा हुनुहुन्छ भने तपाइँको मोबाइल फोन आफ्नो लाइफलाइन बनिसकेको हुन्छ । त्यसअघि सायद तपाइँले आफ्नो मोबाइल फोनलाई बेपरवाह भएर जहीँ तहीँ घरमा फ्याल्नुहुन्थ्यो भने अब चाहीँ आफ्नो साथबाट छुटाउनु नै हुँदैन ।

अरु त के ट्वाइलेट जाँदा पनि मोबाइल छाड्ने भन्ने कुरा आउँदैन । तर कुनै दिन तपाइँले कथन कदाचित घरमा कतै मोबाइल छाड्नुभयो र तपाइँको मोबाइलमा आएका म्यासेजहरु तपाइँको आमा, बुवा वा घरका अन्य सदस्यले हेरेर तपाइँको प्रेम सम्बन्धको पोल खुल्यो भने । साँच्ची यो निकै ठूलो समस्याको क्षण बन्दछ ।

तपाइँको ब्वायफ्रेण्डले कतै डेटिंगमा गएर फर्किँदा तपाइँको घर भन्दा केही टाढाको गल्लीसम्म बाइकमा ल्याएर तपाइँलाई छाडिदिन्छ । आफु कुनै केटाको बाइकमा चढेर आएको कुराको पत्तो कसैलाई नहोस् भन्नका लागि तपाइँ घरबाट अलिक टाढै नै बाइकबाट ओर्लिनुहुन्छ । तर कुनैदिन तपाइँलाई बाइकबाट ओर्लिने क्रममा घरको कुनै सदस्यले देख्यो भने । यो पनि समस्याकै कुरा हुन्छ ।

तपाइँले आफ्नो ब्वायफ्रेण्डको फोन नम्बर आफ्नो मोबाइलमा सेभ गर्दा कुनै आफ्नो घनिष्ठ साथीको नाम राखेर गर्नुहुन्छ होला । बारम्बार फोन आउँदा घरपरिवारलाई शंका नहोस् भन्नका लागि लगाउने यस्तो जुक्ति पनि चुनौतिपूर्ण नै हुन्छ ।

तपाइँको ब्वायफ्रेण्डले तपाइँले आफ्नो ग्रुपसँग घुमाउन लैजान चाहेको हुन्छ तर तपाइँको आमाले तपाइँलाई घुम्न जान अनुमति दिनुहुँदैन । त्यो समूहमा धेरै केटा छन् त्यसैले नजाउ भन्ने आमाको निर्देशन हुन्छ । यस्तो अवस्थाको सामना गर्नुपनि निकै चुनौतिपूर्ण नै हुन्छ ।

होस्टेलमा बस्ने वा बाहिरै कोठा खोजेर बस्ने युवतीहरु प्रायः अलिक स्वतन्त्र हुन्छन् र आफ्नो ब्वायफ्रेण्डसँग बारम्बार घुमघाम गर्न निस्किन पाउँछन् । तर घरमा सबै परिवारसँग बस्ने केटीहरुका लागि भने यो कुरा निकै समस्याको विषय बन्दछ । उनीहरुलाई रातमा हिँड्ने अनुमति हुँदैन ।

कहिलेकाहीँ तपाइँ आफ्नै ब्वायफ्रेण्डले गरेको कल उठाउनुहुन्छ, तर फोन गर्ने मानिसलाई झपार्दै वा गलत नम्बर पर्यो भन्दै फोन राखिदिनुहुन्छ । तपाइँको ब्वायफ्रेण्डको बारेमा अभिभावकलाई पत्तो नहोस् भन्नका लागि तपाइँले लगाउने यस्तो जुक्तिको परिणाम नकारात्मक पनि हुनसक्छ, तर तपाइँले चुनौति मोल्नैपर्ने हुन्छ ।

घरमा ब्वायफ्रेण्डको फोन आउँदा त कहिलेकाहीँ तपाइँ कुनै केटीसँग कुराकानी गरिरहेको जस्तै गरी बोल्नुहुन्छ होला । यसो गर्दा तपाइँको परिवारका सदस्यलाई तपाइँले केटासँग कुरा गरिरहेको पत्तो नहोस् भन्ने अभिष्ट तपाइँको हुन्छ ।

आफ्नो ब्वायफ्रेण्डलाई कुनै केटी बनाएर केटीलाई जस्तै सम्बोधन गरी बोल्नु पनि चुनौतिपूर्ण नै हुन्छ । यसरी बोलिरहँदा कहिलेकाहीँ फोनको स्पिकर लाउड भएर आवाज बाहिर सुनियो र पोल खुल्यो भने के गर्ने ?

कहिलेकाहीँ प्रेमीसँग रातमा कुराकानी गर्नका लागि तपाइँले परिवारसँग सँगै खाना नखाएर आफ्नो कोठामै खाना लगेर खानुपर्ने अवस्था पनि आएकै होला ।

तपाइँ कहिलेकाहीँ आफ्नो ब्वायफ्रेण्डसँग घुम्न निस्किएको बेलामा आफ्नो मिल्ने केटी साथीलाई अह्राउनुभएको हुन्छ झुटो बोल्ने कुरा । यदि आमाले फोन गरेमा साथी म सँग छ भनेर ढाँट्नका लागि । यदि कुनै बेला साथीले सहीँ कुरो बोलिदियो भने त वित्यासै पर्छ कि कसो ?

Labels: Feature, Interesting, Slider, Views