बढि कमाई हुने पत्नीहरूका कारण पतिलाई हुनसक्छ यस्तो धोका

कामकाजी महिलाहरुका श्रीमानले श्रीमतीलाई चिटिङ गर्ने सम्भावना बढि हुने तथ्य अध्ययनबाट खुलासा भएको छ । कामकाजी श्रीमतीहरुलाई मानसिक तनाव दिनका लागि पुरुषहरुले यस्तो धोकाधडीको बाटो रोज्ने गरेको पनि खुलासा भएको छ ।

खासगरी श्रीमती कमाउने तर श्रीमानको चाहीँ कामधन्दा नभएको वा बेरोजगार भएको अवस्थामा त्यस्ता पुरुषहरुमा परस्त्रीगमनको सम्भावना बढि हुने शोधकर्ताहरु बताउँछन् । त्यस्तै दुबैजनाले नै जागिर गर्ने भएपनि आफ्नो भन्दा श्रीमतीको कमाइ बढि भएका पुरुषहरु पनि यस्तो धोकाधडीको बाटोमा बढि लाग्ने गरेको पाइएको छ ।

शोधकर्ताहरुका अनुसार जिवन निर्वाहका लागि पतिको आयमा निर्भर महिलाहरु पर पुरुषसँग सल्किने सम्भावना पाँच प्रतिशत मात्र हुन्छ भने आर्थिक रुपले श्रीमतीमा निर्भर पुरुषहरु परस्त्रीसँग सल्किने जोखिम १५ प्रतिशत हुने गरेको छ ।

खासगरी पुरुषहरु आफ्नी श्रीमतीको कमाइ बढि हुँदा आत्मग्लानी बोध गर्दछन् र पत्नीसँग दूरी कायम गर्दछन् अनि परस्त्रीसँग सम्बन्ध कायम गरी श्रीमतीलाई मानसिक रुपमा यातना दिएर साइजमा ल्याउने कोसिस गर्दछन् ।

तर आफ्नो घरको कुल आम्दानीको ७० प्रतिशत योगदान गर्ने पुरुषहरुमा भने श्रीमतीलाई धोका दिने र परस्त्रीसँग लहसिने जोखिम कम भएको देखिएको छ ।

यस सम्बन्धी शोध रिपोर्ट अमेरिकन सोसियोलोजिकल जर्नलमा प्रकाशित भएको छ ।

Labels: Feature, Social