पूस २२
बर्दियाको बाँसगढी नगरपालीका ७ मटेरियामा परालको टौवामा आगलागी हुदा आगो तापिरहेका १ बालकको मृत्यु भएको छ भने ३ जना बालक घाईते भएका छन । गए राती मटेरियाका जिरुवा थारुको खेतमा राखेको परालको टौवा नजिकै आगो तापिरहेका मटेरिया कै बिरबहादुर बिकका छोरा ८ बर्षिय शुजल बिक र बिकास बिक, थानेश्वर थारुका छोरा ११ बर्षिय राधेकिशुन थारु र कालिचरण राजीका छोरा बर्ष १० का संजय राजी घाईते भएको र गम्भिर घाईते भएका शुजलको उपचारको क्रममा बिहान ८ बजे भेरी अञ्चल अस्पतालमा मृत्यु भएको प्रहरीले जनाएको छ । ईलाका प्रहरी कार्यालय मोतिपुरका प्रहरी निरिक्षक चन्द्रकुमार थापाका अनुसार खरानीमा आलु भेटिएको, अण्डा उसिनिएर खाएको भाडो भेटिएकाले बाल बिजारी गर्दा नजिकैको परालको टौवामा आगो लागेको हुन सक्ने बताउनु भयो । घाईते ३ नै जना बालकको भेरी अञ्चल अस्पताल नेपालगञ्जमा उपचार भईरहेको थापाले बताउनु भयो