१८ बर्षिया नेपाली ह्याकर यसरी समातिए

काठमाडौं  १२ । 

अनोनेमस ओपनेप नामबाट सरकारी तथा गैरसरकारी वेबसाइट हृयाक गर्ने १८ वर्षे युवक पक्राउ परेका छन् ।

नेपाल प्रहरीको अपराध महाशाखाको टोलीले तनहुँ बन्दीपुर घर भई बालाजु हाईट बस्ने विकास पौडेललाई पक्राउ गरेको हो । १८ वर्षका उनी विद्यार्थी हुन् । उनले राष्ट्रिय क्षयरोग केन्द्रको वेबसाइट ह्याक गरेका थिए ।

पौडेलले अनोनेमस ओपनेप Anonymous #Opnep नामबाट विभिन्न सरकारी कार्यालय तथा संस्थाहरुको वेबसाइट ह्याक गरेको खुल्न आएको प्रहरीले जनाएको छ ।

यही पेजको युजरले फेसबुकमा नेपाल टेलिकमको वेबसाइट ह्याक गरेर सबै डाटा लिएको दाबी केही दिनअघि गरिएको थियो । तर, महाशाखा प्रमुख सर्वेन्द्र खनालले भने नेपाल टेलिकमको वेबसाइट ह्याक नभएको पाइएको जनाएको छ । उनका अनुसार केहि प्रयोगकर्ताको विवरण भने लिएको पाइएको छ ।

Labels: Feature, Science