बैसाखपछि तपाईको मोबाइल फोन ब्लक नै हुनसक्छ! किन? हेर्नुहोस
काठमाण्डौ ०७२/१२/१२
तपाईले विदेशबाट ल्याउनु भएको
वा अबैध रुपमा आयात भएको मोबाइल सेट बोक्नु भएको त छैन? यदि त्यसो हो भने
होस् गर्नुहोस्, तपाईको मोबाइल फोन ब्लक नै हुनसक्छ। तपाईले बोकेको मोबाइल
सेटको विशिष्ट पहिचान अंक (आइएमइआई नम्बर) नहुन पनि सक्छ। आइएमइआई नम्बर
नभएका मोबाइल सेट ब्लक गराउने तयारी नेपाल दूरसञ्चार प्राधिकरणले गरेको छ।
नयाँ पत्रिका दैनिकमा समाचार छ ।
सेवाप्रदायकले जानकारी दिएको ६ महिनाभित्र
पनि आइएमइआई नलिने प्रयोगकर्ताको मोबाइल भने स्वतः ब्लक हुनेछ। कर्यविधिमा
आगामी १ वैशाखपछि नेपाल भित्रिने मोबाइलमा अनिवार्य रुपमा आइएमइआई नम्बर
हुनु पर्ने व्यवस्था छ। यदि आधिकारिक आइएमइएआई नम्बर नभए जुनसुकै मोबाइल
सेट पनि ब्लक गरिने प्राधिकरणका उपनिर्देशक मीनप्रसाद अर्यालले बताए ।
उनले भने,‘यसर्थ अब वैधानिक बाटोबाट आयात भएका मोबाइलमा आइएमइआई नम्बर हुनेछ तर अवैधरुपमा भित्रिएका मोबाइलमा भने नहुन पनि सक्छ ।
प्राधिकरणले अन्तर्राष्ट्रिय मोबाइल उपकरण
पहिचान र उपकरण पहिचान दर्ता प्रणालीलाई अनिवार्य बनाउने गरी कार्यविधि
तयार पारेको हो। कार्यविधि १ वैशाखदेखि लागू हुनेछ।
0 comments
Write Down Your Responses