'संविधानमा अङ्गीकृत नागरिकता दिने व्यवस्था गलत'
देश बन्धक राख्नेहरु सरकार फेर्ने चलखेलमाआज रफत् सञ्चार क्लबले आयोजना गरेको अन्तक्र्रिया कार्यक्रममा बोल्दै उनले विदेशी महिलाले नेपाली पुरुषसँग विवाह गरेको कम्तीमा पनि सात वर्षपछि मात्रै अङ्गीकृत नागरिकता दिने व्यवस्था हुनुपर्ने बताए ।
विवाह गरेकै दिन जग्गेबाटै अङ्गीकृत नागरिकता पाउने व्यवस्था संविधानले गर्नु गलत छु, उनले भने, यसले विदेशी नागरिकको सङ्ख्या बढ्ने र राष्ट्रियता माथि सङ्कट आउन सक्छ ।
देशलाई खण्डखण्ड पार्न विदेशीको चलखेल बढिरहेका अवस्थामा यसप्रकारको नागरिकताले थप सङ्कट पार्नसक्नेतर्फ सचेत हुनुपर्ने उनको भनाइ थियो ।
उपप्रधानमन्त्री केसीले विदेशमा रहेका नेपाली नागरिकले मताधिकारको व्यवस्था संविधानमा हुन नसक्नु दुःखद भएको टिप्पणी गरे ।
देशमा रोजगार नपाएर विदेश जान बाध्य नागरिकलाई मताधिकारको व्यवस्था हुनुपर्छु, उनले भने, उनीहरुले कमाएर पठाएको पैसा देशलाई मान्य हुने तर मत मान्य नहुने यो कस्तो व्यवस्था, यो त्रुटीलाई संविधानमा सच्याउनुपर्छ ।
भूगोल र जनसङ्ख्याका आधारमा निर्वाचन क्षेत्र निर्धारण गर्नुपर्नेमा अरुको दबाबमा संविधान संशोधन गरेर जनसङ्ख्याका आधारमा निर्वाचन क्षेत्र निर्धारण गर्ने व्यवस्था हुन गलत भएको बताए ।
पाँच दिनपछि हुने प्रधानमन्त्रीको चीन भ्रमणमा पारवाहन, व्यापारलगायत नेपालका लागि हित हुने कुरामा सम्झौता गरेर एउटै देशमाथिको परनिर्भरताको अन्त्य गर्ने बताए ।
सरकार परिवर्तनको खेल सुरु हुनु नौलो कुरा नभएको टिप्पणी उपप्रधानमन्त्री केसीले गरे । छिमेकीको चाहना विपरीत बनेको वर्तमान सरकारबाट आफ्नो चाहना पूरा नहुने भएपछि छिमेकीकै इसारामा केही तत्व देशको स्वाभिमानलाई बन्धक राख्दै सरकार परिवर्तनको हल्ला चलाइरहेका छन्, यो नौलो कुरा होइनु, उनले भने । रासस
0 comments
Write Down Your Responses